डिजिटल मुंबई चौफेर।१८ फेब्रूवारी २०२२।
अक्षय कुमारने त्याच्या चाहत्यांसाठी ‘बच्चन पांडे’चा ट्रेलर आणला आहे. होय, बच्चन पांडे या मोस्ट अवेटेड चित्रपटाचा ट्रेलर आज म्हणजेच १८ फेब्रुवारी २०२२ रोजी रिलीज झाला आहे. ट्रेलर पाहिल्यानंतर अक्कीचे चाहते खूप खूश आहेत. अक्षय कुमारच्या बच्चन पांडेचे अनेक पोस्टर्स समोर आले आणि सोशल मीडियावर चांगलेच व्हायरल झाले. ट्रेलर रिलीज होण्यापूर्वीच निर्मात्यांनी या चित्रपटाचे आणखी एक पोस्टर रिलीज केले. अक्षयच्या चित्रपटाचे पोस्टर समोर येताच चाहत्यांमध्ये मोठी उत्सुकता वाढली. चित्रपटाचा ट्रेलर पाहताच चित्रपट सुपरहिट असल्याचे चाहते म्हणत आहेत. त्यामुळे काही लोक याला आतापासून ब्लॉकबस्टर हिट म्हणत आहेत.
ट्रेलर समोर येताच बॉक्स ऑफिसवर चित्रपट किती कमाई करेल याचा अंदाज अनेकजण कमेंट सेक्शनमध्ये बांधत आहेत. अक्षयचा हा चित्रपट कमाईचे सर्व रेकॉर्ड मोडू शकतो, असा विश्वास चाहत्यांना आहे. अक्षयच्या एका चाहत्याने लिहिले – ‘आमचा अक्की भैया आला’, तर कोणी लिहिले – अक्षय कुमारची काय जबरदस्त एन्ट्री आहे, एका यूजरने लिहिले – बॉलिवूडचे गॉडफादर आले आहेत. तर कोणी अक्षयच्या चित्रपटाची तुलना आलिया भट्टच्या ‘गंगूबाई काठियावाडी’ चित्रपटाशी केली आणि म्हटले की, अक्षयच्या चित्रपटाने गंगूबाईपेक्षा जास्त कमाई केली तरी खूप मोठी गोष्ट आहे.