उच्च न्यायालयाच्या निर्णयाला सर्वोच्च न्यायालयात आव्हान!

डिजिटल मुंबई चौफेर। ११ फेब्रूवारी २०२२।

कर्नाटकात सुरू असलेल्या हिजाबच्या वादाचे प्रकरण आता सर्वोच्च न्यायालयात पोहोचले आहे. याचिकाकर्त्याने कर्नाटक उच्च न्यायालयाच्या अंतरिम आदेशाला सर्वोच्च न्यायालयात आव्हान दिले आहे. उच्च न्यायालयाच्या निर्णयाला सर्वोच्च न्यायालयात आव्हान देण्यात आले आहे. जोपर्यंत हा वाद मिटत नाही, तोपर्यंत विद्यार्थिनींना शैक्षणिक संस्थांमध्ये हिजाब आणि असा कोणताही धार्मिक पोशाख घालण्यास परवानगी दिली जाणार नाही, असे या निर्णयात म्हटले आहे, त्यामुळे हा वाद अधिकच तापला आहे.

सरन्यायाधीश रितू राज अवस्थी, न्यायमूर्ती जेएम काझी आणि न्यायमूर्ती कृष्णा एस दीक्षित यांच्या तीन सदस्यीय खंडपीठाने हे प्रकरण लवकरात लवकर सोडवण्याची इच्छा असल्याचे सांगितले. मात्र जोपर्यंत निर्णय होत नाही तोपर्यंत शांतता आणि एकोपा ठेवा. उच्च न्यायालयाने म्हटले आहे की, ‘या वादावर तोडगा निघेपर्यंत विद्यार्थ्यांनी धार्मिक कपडे किंवा वस्तू परिधान करण्याचा आग्रह धरू नये.

निकाल येईपर्यंत हिजाब आणि भगव्या शालीवर बंदी

ते म्हणाले, ‘आम्ही आदेश पास करू. शाळा-कॉलेज सुरू होऊ दे. मात्र जोपर्यंत हे प्रकरण निकाली निघत नाही, तोपर्यंत कोणालाही धार्मिक पोशाख घालू दिला जाणार नाही. आम्ही सर्वांना रोखू. कारण आम्हाला राज्यात शांतता हवी आहे.” महाविद्यालयांमधील हिजाब बंदीला आव्हान देणाऱ्या मुस्लिम विद्यार्थिनींच्या याचिकांवर उच्च न्यायालयात सुनावणी सुरू आहे.