ओपी राजभर यांनी सीएम योगींवर केले गंभीर आरोप!

डिजिटल मुंबई चौफेर। १५ फेब्रूवारी २०२२।

उत्तर प्रदेश विधानसभा निवडणुकीसाठी निवडणूक प्रचार सुरू असून राज्यात दोन टप्प्यात मतदान झाले असून उर्वरित पाच टप्प्यांचे मतदान होणे बाकी आहे. त्याचवेळी राज्यात नेत्यांच्या एकमेकांवर आरोप-प्रत्यारोपांचा फेरा सुरू झाला आहे. राज्यात समाजवादी पक्षासोबत युती करून निवडणूक लढवत असलेल्या सुहेलदेव भारतीय समाज पक्षाचे अध्यक्ष ओम प्रकाश राजभर यांनी राज्याचे मुख्यमंत्री योगी आदित्यनाथ यांच्यावर आरोप करत त्यांना मला मारायचे आहे, असे म्हटले असून काल वाराणसीमध्ये मला मारण्याचा प्रयत्न करण्यात आला. गुंड पाठवून त्याचबरोबर सुरक्षा पुरवण्याची मागणी राजभर यांनी निवडणूक आयोगाकडे केली आहे.

ओपी राजभरी हे वाराणसीतून निवडणूक लढवत आहेत आणि त्यांनी राज्यातील विधानसभा निवडणुकीसाठी समाजवादी पक्षासोबत युती केली आहे. तर २०१७ च्या विधानसभा निवडणुकीत त्यांनी भाजपसोबत युती केली होती आणि त्यांच्या पक्षाला राज्यात ४ जागा जिंकण्यात यश आले होते. त्याचवेळी, अरविंद राजभर यांना सुरक्षा पुरवावी, अशी आमची निवडणूक आयोगाकडे मागणी असल्याचे राजभर यांनी सांगितले. कारण राज्याचे मुख्यमंत्री योगी आदित्यनाथ यांच्यापासून त्यांच्या जीवाला धोका आहे.